[i558]
DE LA VILLE DE PARIS.
5
III. — Pour les fontaines de la Ville. — Pour les Mesureurs de charbon.
----- SOUDARS ADMENEZ EN L'HOSTEL DE LA VlLLE.
27 septembre 1558. (Fol. 5 r°.)
Du mardi, xxvif jour de Septembre mil v° lviii.
Au jour d'uy, a esté ordonné au Bureau de la ville de Paris que la branche d'eaue et thuyau allant en la maison de monsr Gayant'1' sera en dilligence rompue et couppée par le fontenier de lad. Ville, auquel est enjoinct de rompre led. thuyau, sur peyne de s'en prandre à luy en son propre et privé nom, et sera cy après faict ung regarda l'endroit de lad. branche qui est devant le portail Sainct Eus­tace, pour accommoder lad. eaue et la departir où il appartiendra, et sera la presente ordonnance en­voyée aud. fontenier pour l'exécuter.
«Veue la requeste presentée au Bureau de la ville de Paris par les jurez Mesureurs de charbon de ceste ville dc Paris, par laquelle ilz auroient remonstré que, par le moyen de l'edict du Roy donné sur la re­duction des mesures'2', le labeur et peyne en leurdict estat est augmenté, au moyen que antiennement ilz auroient acoustumé de mesurer le charbon à trente deux mynotz pour muy <3', et en faisant lad. re­duction nouvelle, auroit esté remys le muy de char­bon à xlviii mynotz, qui ne reviennent toutesfoys à si grande quantité au muy, au moyen que led. mynot nouveau ne contient quasi que la moictié de l'ancien; pour lequel antien mynot ilz avoient acous­tumé avoir et prandre ung denier pour chascun, qui estoit deux solz, huit deniers tournois pour chascun muy, et pour le charbon venant parterre quatre solz, quatre deniers tournois pour muy, et que pour me­surer quarante huit foys ung muy est chose plus la-
borieuse et pénible que de ne mesurer trente deux fois seullement ;. et combien que le muy soit plus petit, neantmoings lesd, pris dc n solz viii deniers du charbon mesuré au basteau et m solz nu de­niers tournois par terre leur devoit estre continué; sur laquelle requeste aurions ordonné qu'il seroit in­formé par le Procureur du Roy ct de lad. Ville de la commodité ou incommodité. Veues lesd, informa­tions et les conclusions dud. Procureur du Roy, nous avons ordonné que doresnavant lesd. Mesureurs de charbon auront pour leur sallaire de chascun muy de charbon, mesuré tant par chariotz quc sommes de cheval par terre, trois solz, neuf deniers tournois, ai la charge que lesd, mesureurs excerceront leurs estatz en personne, sur peyne de privation desd, estatz, et leur est enjoinct de assister chascun jour aux places ordonnées selon le departement qu'ilz ont acoustumé de faire, afin de faire entendre au peuple la reduction de lad. mesure, afin que nul 11e soit trompé ny abuzé.
" Faict au Bureau de la ville de Paris, le xxvn0 jour de Septembre mil cinq cens cinquante huit, n
Signé : M. de Bragelongne, de Thou, Marcel, Prevost.
En ce temps on gardoit les portes de lad. Ville, et ceulx qui les gardoient admenoient à toutes heures souldars françois et estrangers prisonniers en l'Hostel de lad. Ville, tellement que Mess" ne le Grellier ne povoient faire autre chose que d'interroguer lesd, soldars, qui estoit une grande peyne.
IV. — Procession generalle pour prier Dieu pour la paix.
11 octobre 1558. (Fol. 6 r°.)
Le mardi, unziesme jour d'Octobre mil cinq cens cinquante et huit, fut faicte procession generalle par
ordonnance du Roy <4>, de l'Eglise de Paris en l'eglise et couvent des Augustins, où se devoit trouver ia
O Louis Gayant, conseiller au Parlement, avait obtenu cn i546 la concession d'un branchement d'eau pour sa maison; comme il ne possédait aucun litre écrit, cette concession lui était retirée assez fréquemment, suivant les bosoins.do la Ville. (Voy. le tome pré­cédent, à la date des 2 juillet et 29 août i554.)
(2) ll s'agit de l'édit d'octobre 1557 portant règlement général sur les poids et mesures dans Ia ville et banlieue de Paris.
'3) L'unité de mesure adoptée pour les graines, les légumes, le plâtre et le charbon, était le muid contenant 12 setiers et le setier 4 minots.
(-) Henri II, par lettres missives en date du 7 octobre, à l'adresse du chapitre de Notre-Dame, avait ordonné de faire processions générales et solennelles pour la paix tant désirée et si nécessaire. Le io octobre, l'un des chanoines, Nicole Le Maitre, conseiller au